રાજપીપળા, (નર્મદા) આશિક પઠાણ :-
સુપ્રિમ કોર્ટ ભાજપા માટે ઇલેક્ટ્રોરલ બોન્ડના મામલે જેમ્સ બોન્ડની ભૂમિકામા
દેશ ના નાગરિકો ને કયા પક્ષ ને કોણે કેટલુ ભંડોળ આપ્યું તે જાણવાનો અધિકાર
દેશમાં સહુથી વધુ ચર્ચિત બનેલ રાજકિય પક્ષો ને અપાતા ડોનેશન રૂપી નાણાં કોના દ્વારા કયા પક્ષ ને કેટલા અપાય છે, નાણાં આપી કોઈ અંગત લાભ તો ખાટવમા નથી આવતો ને આ મામલો ચર્ચાસ્પદ બન્યો હતો રાજકિય પક્ષો સત્તાધારી ભાજપ ને વધું ભંડોળ આપી ઉધોગપતિઓ લાભ ઉઠાવતા હોવાના પણ આરોપો લગાવતા ત્યારે આજરોજ દેશ ની સર્વોચ્ચ અદાલતે ઈલેક્ટ્રોરલ બોન્ડ દ્વારા રાજકિય પક્ષો ને અપાતા ડોનેશન કે ચાંદા ને માહિતિ અધિકાર ના કાયદા હેઠળ આવરી તેને જાહેર કરવામાં આવે નો ચુકાદો આપ્યો છે.
સુપ્રીમ કોર્ટે ચૂંટણી બોન્ડ યોજનાને રદ કરી દીધી છે. કોર્ટે એને અનુચ્છેદ 19 (1) (A)નું ઉલ્લંઘન અને ગેરબંધારણીય ગણાવી છે. કોર્ટે આદેશ આપ્યો છે કે SBI રાજકીય પાર્ટીઓ દ્વારા આપવામાં આવેલા ચૂંટણી બોન્ડની વિગતો રજૂ કરશે. અદાલતે વધુમાં કહ્યું હતું કે SBI ચૂંટણી પંચને 2019થી અત્યાર સુધી જારી કરવામાં આવેલા બોન્ડની માહિતી આપશે અને ઇલેક્શન કમિશન પૂરી માહિતી વેબસાઇટ પર ઉપલબ્ધ કરાવશે.
રાજકિય પક્ષો ને અપાતા ડોનેશન માટે ના વિરોધ મા સુપ્રીમ કોર્ટમાં કુલ ચાર અરજીઓ દાખલ કરવામાં આવી હતી, જેમાં કોંગ્રેસનાં નેતા જયા ઠાકુર, માર્કસવાદી કોમ્યુનિસ્ટ પાર્ટી અને NGO એસોસિયેશન ફોર ડેમોક્રેટિક રિફોર્મ્સ (ADR)એ ચૂંટણી બોન્ડની કાયદેસરતા પર સવાલ ઊભા કર્યા હતા.અને એક્જ પક્ષ ને લાભ થતાં હોવાની રજુઆત કરી હતી.
અરજીકર્તાઓએ દાવો કર્યો હતો કે ચૂંટણી બોન્ડે રાજકીય પાર્ટીઓના ફન્ડિંગને ઘણું પ્રભાવિત કર્યું હતું. એ સાથે લોકોની માહિતીના અધિકારનું ઉલ્લંઘન કર્યું છે. કોર્ટે ગયા વર્ષે 31 ઓક્ટોબરે આ મામલે સુનાવણી શરૂ કરી હતી.
જસ્ટિસ ડીવાય ચંદ્રચૂડની અધ્યક્ષતાવાળી પાંચ જસ્ટિસની બંધારણીય બેન્ચે ગયા વર્ષે બીજી નવેમ્બરે આ કેસમાં ચુકાદો સુરક્ષિત રાખ્યો હતો. અને આજરોજ પોતાનો ચુકાદો આપ્યો છે જેમાં ઇલેક્શન કમિશન ને બેન્ક પાસે થી માહિતિ મેળવી પોતાની વેબસાઇડ ઉપર કોને કોણે કેટલા રૂપિયા આપ્યા તે જાહેર કરવામાં આવે નો આદેશ આપ્યો છે.
શું છે ચૂંટણી બોન્ડ?
કેન્દ્રની મોદીના નેતૃત્વવાળી સરકારે 2017માં ઇલેક્ટોરલ બોન્ડ યોજનાને ફાઇનાન્સ બિલ દ્વારા સંસદમાં રજૂ કરી હતી. સંસદમાં પાસ થયા પછી 29 જાન્યુઆરી, 2018એ ઇલેક્ટોરલ બોન્ડ યોજનાનું નોટિફિકેશન પણ જારી કર્યું હતું. આ બોન્ડ દ્વારા રાજકીય પાર્ટીઓને ફંડ મળે છે. દેશનો કોઈ પણ નાગરિક, કંપની કે સંગઠન આ બોન્ડ ખરીદી શકે છે અને કોઈ પણ પક્ષને આપી શકે છે.આ બોન્ડ કોણ કોને કેટલા રૂપિયા આપે છે તે જાણી શકાતું નહોતું પરંતું સુપ્રિમ કોર્ટે કરેલ આજના આદેશ બાદ બધું પારદર્શી બનશે કયા પક્ષ ને કેટલા રૂપિયા કોણ આપે છે તે હવે જાણી શકાશે.
