ગોધરા,(પંચમહાલ)
ઇશ્હાક રાંટા
રાજ્ય ચૂંટણી આયોગના નોડલ અધિકારી અને નિવાસી અધિક કલેકટરશ્રી, પંચમહાલની એક અખબારી યાદીમાં જણાવ્યા અનુસાર નવેમ્બર-૨૦૨૦માં પંચમહાલ જિલ્લાની ગોધરા નગરપાલિકા તથા પંચમહાલ જિલ્લા પંચાયત તથા પંચમહાલ જિલ્લાની ગોધરા, કાલોલ, હાલોલ, ઘોઘમ્બા, જામ્બુઘોડા, શહેરા તથા મોરવા હડફ તાલુકા પંચાયતોની સામાન્ય ચૂંટણી યોજવાની થાય છે. આ સ્વરાજ્યના એકમો માટેની મતદાર યાદી તા. ૦૯/૧૦/૨૦૨૦ના રોજ સંબંધિત મતદાર નોંધણી અધિકારી અને મામલતદારશ્રીઓ દ્વારા સ્થાનિક કક્ષાએ પ્રસિદ્ધ કરવામાં આવી છે.