ગોધરા,(પંચમહાલ) ઈશહાક રાંટા
સમાજમાં સ્ત્રી પુરુષ વચ્ચે વસવાટ કરતા ટ્રાન્સજેન્ડર પણ સૌ લોકો વચ્ચે જોડાઈ શકે, તેઓને પણ સમાન અધિકાર મળી શકે તે માટે રાજ્યસરકાર દ્વારા ટ્રાન્સજેન્ડર એકટ પ્રોટેકશન ઓફ રાઇટ્સ – ૨૦૧૯ બહાર પાડવામાં આવ્યો હતો. આ કાયદા અંતર્ગત રાજ્યમાં વસતા ટ્રાન્સજેન્ડરના હકો અને અધિકારોનું રક્ષણ કરવાનો મૂળ ઉદ્દેશ્ય હતો. આ કાયદા અન્વયે ટ્રાન્સજેન્ડરને તેઓનું જાતિ અંગેનું વિશેષ ઓળખપત્ર જિલ્લા કલેકટરશ્રી દ્વારા ઇસ્યુ કરવામાં આવે છે જેથી આ વર્ગ પણ સરકારની મહત્વની યોજનાઓનો લાભ મેળવી શકે. પંચમહાલ જિલ્લામાં આ કાયદા હેઠળ ગોધરા શહેરમાં વસતા છ જેટલા ટ્રાન્સજેન્ડરને જિલ્લા સમાજ સુરક્ષા અધિકારીની કચેરી ખાતે ગોધરાના પ્રાંત અધિકારીશ્રી વિશાલ સક્સેનાના હસ્તે ઓળખપત્ર એનાયત કરવામાં આવ્યા હતા. આ ઓળખપત્ર દ્વારા મહત્વના એવા આધારકાર્ડ, ચૂંટણીકાર્ડ સહિતના અન્ય દસ્તાવેજો સરળતાથી મેળવી શકાશે. પંચમહાલ જિલ્લામાં સૌ પ્રથમ છે જેટલા ટ્રાન્સજેન્ડરને આ પ્રકારના ઓળખપત્ર ઇસ્યુ કરવામાં આવ્યા છે, જિલ્લામાં જે પ્રમાણે અરજી મળશે તેમ આ પ્રકારના વિશેષ ઓળખપત્ર ઇસ્યુ કરવામાં આવશે. ટ્રાન્સજેડર્સ કમ્યુનિટીને મુખ્ય પ્રવાહમાં ભળવામાં આ પ્રકારની પહેલને કારણે મદદરૂપ બનશે તેવી લાગણી પ્રાંત અધિકારીશ્રીએ વ્યક્ત કરી હતી.