ગોધરા,(પંચમહાલ)
ઇશ્હાક રાંટા
ACPDC મેરીટ નંબર ધરાવતા ઈચ્છુક ઉમેદવારો માટે સંસ્થા પસંદગી પ્રક્રિયા પણ ચાલુ
સરકારી પોલિટેકનિક ગોધરાના આચાર્યશ્રીની એક અખબારી યાદીમાં જણાવ્યા અનુસાર ગોધરા ખાતે આવેલ સરકારી પોલિટેકનિક ખાતે ઈજનેરી ડિપ્લોમામાં વર્ષ ૨૦૨૦-૨૧માં પ્રવેશ માટે સરકારશ્રીની એડમિશન કમિટી (ACPDC) દ્વારા ત્રીજા રાઉન્ડની પ્રવેશ પ્રક્રિયા હાથ ધરવામાં આવી છે. અગાઉ રજિસ્ટ્રેશન કરાવેલ ન હોય તથા પૂરક પરીક્ષા-૨૦૨૦માં પાસ કરેલ હોય તેઓ માટે ઓનલાઈન રજિસ્ટ્રેશનની કામગીરી ચાલુ છે. આ ઉમેદવારો અને અગાઉ ACPDC મેરીટ નંબર ધરાવતા ઈચ્છુક ઉમેદવારો માટે સંસ્થાની પસંદગીની પ્રક્રિયા પણ ચાલુ છે. તેથી સંસ્થા ખાતે જૂજ પ્રમાણમાં ડિપ્લોમા સિવિલ ઈજનેરી, ડિપ્લોમા મિકેનીકલ, ડિપ્લોમાં ઈલેક્ટ્રીકલમાં જગ્યાઓ ખાલી હોઈ પ્રવેશ ઈચ્છુક વિદ્યાર્થીઓ અને વાલીઓને સદર સંસ્થામાં પ્રવેશ લેવા એડમિશન કમિટી દ્વારા અખબારીયાદીમાં જણાવાયું છે.