ગોધરા,(પંચમહાલ)
ઈશ્હાક રાંટા
૨૪મી થી ૩૦ ડિસેમ્બર સુધી ઓનલાઈન અરજી અને ૩૧મી ડિસેમ્બરે બિડિંગ કરી શકાશે
પ્રાદેશિક વાહન વ્યવહાર અધિકારીશ્રીની એક અખબારી યાદીમાં જણાવ્યા અનુસાર (મોટરસાયકલ)વાહનો માટે તારીખ ૨૪/૧૨/૨૦૨૦ના રોજ જી જે-૧૭-બીએસ ૦૦૦૧ થી ૯૯૯૯ સુધીના નંબરની નવી નોન ટ્રાન્સપોર્ટ સિરીઝ શરૂ કરવામાં આવશે, જેમાં પસંદગીના નંબરો મેળવવા માંગતા અરજદારોએ ઓનલાઇન અરજી કરવાની રહેશે. અરજી કરવાની તારીખ ૨૪/૧૨/૨૦૨૦ સવારે ૧૦:૩૦ કલાકથી તારીખ ૩૦/૧૨/૨૦૨૦ સાંજે ૧૮:૦૦ કલાક સુધીનો સમય રહેશે અને બીડિંગનો સમય તા.૩૧/૧૨/૨૦૨૦ના સવારે ૧૦.૩૦ કલાકથી સાંજે ૧૮.૧૦ કલાક સુધીનો રહેશે. ત્યારબાદ તારીખ ૦૧/૦૧/૨૦૨૧ના રોજથી પસંદગીના નંબરોની ફાળવણી કરવામાં આવશે. આ પસંદગીના નંબરોની અરજી કરવા માટે વેબસાઈટ https://parivahan.gov.in/fancy/ છે. પસંદગીનો નંબર મેળવવા ઈચ્છતા અરજદારોએ તેઓના વાહનનો કર ભર્યા તારીખથી દિન-૦૭ની અંદર ઉપરોક્ત દર્શાવેલ વેબસાઈટ પર જઈ CNA ફોર્મ ભરવું ફરજીયાત છે. જો અરજદાર આ CNA ફોર્મ ભરવાનું ચૂકી જશે તો પસંદગીનો નંબર મેળવવા માટે યોગ્યતા ધરાવશે નહી, જેની ખાસ નોંધ લેવા યાદીમાં જણાવાયું છે.
