ગોધરા, (પંચમહાલ) ઇશહાક રાંટા :-
મદદનીશ નિયંત્રક કાનૂની માપ વિજ્ઞાન વિભાગની અલગ અલગ ટીમો દ્વારા ગોધરા અને ખેડા જિલ્લાના કુલ ૯ પેટ્રોલ પંપની તપાસણી કરાઈ
આજરોજ ગુજરાત રાજ્યના કાનૂની માપ વિજ્ઞાન તંત્રના, નિયંત્રકશ્રી આર.આર.ગોહેલ (GAS), નાયબ નિયંત્રકશ્રી એસ.એસ.વિશાણાશ્રીઓના માર્ગદર્શન હેઠળ મદદનીશ નિયંત્રક ગોધરાશ્રી એચ.એસ.પટેલ તેમજ ફ્લાઇંગ સ્કોડ નિરીક્ષક તથા સિનિયર/જુનિયર નિરીક્ષકોની અલગ અલગ ટીમ બનાવી પંચમહાલ જિલ્લાના ગોધરામાં તેમજ ખેડા જીલ્લામાં કુલ-૯ પેટ્રોલ પંપોની ઓચિંતી તપાસણી કરવામાં આવી હતી.
જેમાં પંચમહાલ જીલ્લાના ગોધરામાં-૨ પેટ્રોલ પંપ તેમજ ખેડા જીલ્લામાં-૧ પેટ્રોલ પંપ પરથી પેટ્રોલ તેમજ ડીઝલની નોઝલમાં નિયત મર્યાદા કરતાં ઓછી ડિલિવરી માલુમ પડતાં ત્રણ એકમો સામે ધી લીગલ મેટ્રોલોજી એક્ટ-૨૦૦૯ હેઠળ કાયદેસરની કાર્યવાહી કરીને ઉપરોક્ત પંપ જપ્તી હેઠળ અટકાયત કરવામાં આવ્યા છે તેમ મદદનીશ નિયંત્રક કાનૂની માપ વિજ્ઞાન અને ગ્રાહક સુરક્ષા અધિકારીશ્રી ગોધરા – પંચમહાલએ એક અખબારી યાદીમાં જણાવ્યું છે.
