બોડેલી,(છોટાઉદેપુર) ઈમ્તિયાઝ મેમણ
છોટાઉદેપુર જિલ્લાના બોડેલી પાસે આવેલ રેલવે ફાટક બંધ થતા ફાટકની બન્ને બાજુ ટ્રાફિક જામના દ્રશ્યો સર્જાઈ છે. ઘણા સમયથી આ સમસ્યાને લઈ બોડેલી તાલુકાની પ્રજા તેમજ જિલ્લાના લોકો હાલાકી વેઠી રહયા છે ટ્રાફિકજામ ની મુશ્કેલી નિવારણ માટે વર્ષોથી લોકો ઓવરબ્રિજની માંગ કરી રહયા છે. પરંતુ લોકોની માંગ ન સંતોષાતા લોકોમા નારાજગી જોવા મળી રહી છે.
બોડેલીના છોટાઉદેપુર રોડ પર રેલવે ફાટક આવેલી છે જ્યા રોજે રોજ ટ્રાફિક જામના દ્રશ્યો પણ સર્જાય છે ખુદ ગુજરાતના મુખ્યમંત્રી વિજય રૂપાણીને રેલવે ફાટકના ટ્રાફિકજામનો કડવો અનુભવ થયો હતો. ગતવર્ષે મુખ્યમંત્રી વિજય રૂપાણી રાજ્યકક્ષાના સ્વાતંત્રદિનની ઉજવણીના ભાગરૂપે છોટાઉદેપુર જિલ્લામાં વિવધકામો તેમજ ખાતમુહૂર્ત અને લોકાર્પણ કરવામાં માટે આવ્યા હતા. ત્યારે બોડેલી બજાર સમિતિ પોતાનો યુવા સંમેલનનો કાર્યક્રમ પૂર્ણ કરી કાફલા સાથે બોડેલી વિશ્રામગૃહ ખાતે આવી રહ્યા હતા. બોડેલી રેલવે ફાટક પર ટ્રેન પસાર થવાનો સમય હોવાથી રેલવે ફાટકના ટ્રાફિકજામનો મુખ્યમંત્રી ને કડવો અનુભવથી થયો હતો. ત્યાર બાદ છોટાઉદેપુર ખાતે રાજ્ય કક્ષાના કાર્યક્રમમા બોડેલી પાસે આવેલ રેલવે ફાટક પર ઓવરબ્રિજ બનાવવા માટે ૫૦ કરોડની જાહેરાત કરી હતી મુખ્યમંત્રીની જાહેરાત બાદ હજુ પણ ઓવરબ્રિજની બને તેવા કોઈ આશાર જોવાતા નથી. હજુ સુધી ઓવરબ્રિજની કોઈ કામગીરી હાથ ન ધરાતા લોકોમાં નારાજગી જોવા મળી રહી છે આ બાબતે વાતચીત કરતા ભારતીય કિસાન સેનાના મહામંત્રી સાહિદ મન્સૂરીએ જણાવ્યું હતું કે બોડેલીના ફાટક પર એક વર્ષ પહેલાં ગુજરાત ના મુખ્ય મંત્રી આવ્યા હતા અને એમનો કાફલો ફસાયો હતો ટ્રાફિકમાં અને ઓવરબ્રિજની બનાવામાં આવશે તેવું એનાઉન્સમેન્ટ કર્યું બોડેલી તાલુકામાં ઘણા બધા ઉદ્યોગ ચાલે છે. આવા સમયમાં લોકોના અવર – જવર માટે મુખ્ય રસ્તો ગણાય છે. કોરોનાની મહામારીમાં એમ્બ્યુલન્સ કે દવાખાનું કામ હોય લોકોને વારંવાર ટ્રાફિકની સમસ્યાનો સામનો કરવો પડે છે. ગુજરાતના મુખ્યમંત્રી ને અમે ભારતીય કિસાન સેના દ્વારા એક વાત ધ્યાન લાવવામાંગીએ છે. એ ઓવરબ્રિજ ને વહેલી તકે બનાવવામાં આવે અમારી પણ રજુઆત સરકારના નેતાઓ છે. અમેં પણ વારંવાર રજૂઆતો કરી હોવા છતાં આ ઓવરબ્રિજની હજુ સુધી કોઈ તૈયારી થઈ નથી અને જો આ માંગને વહેલી નઈ સંતોષાય ભારતીય કિસાન સેના દ્વારા આંદોલન કરી રસ્તાને સદનતર બંધ કરી દેવામાં આવશે અને આંદોલનના રૂપની અંદર રોડ રસ્તાઓ જામકરી રોડ પર બેસી જશું.
બોડેલીના છોટાઉદેપુર રોડ પર આવેલા રેલવે ફાટક દિવસ દરમિયાન ટ્રેન આવતા અનેક વખત બંધ થતી હતી . જેને લઈ ઘણીવાર બન્ને બાજુ એક કલાક સુધી ટ્રાફિક જામના દ્રશ્યો પણ સર્જાતા હતા . જેથી વાહનચાલકોનો સમય વેડફાતો હતો . છોટાઉદેપુર જિલ્લાનો મુખ્ય માર્ગ હોવાથી આ માર્ગ પર ૨૪ કલાક વાહનોની અવાર જવર રહે છે ઘણીવાર દર્દીને લઇ જતી એમ્બ્યુલન્સ પણ ટ્રાફિકમાં ફસાવાની પણ ઘટનાઓ બની છે. ફાટક પર ઓવરબ્રિજ ન હોવાથી વર્ષોથી ટ્રાફિકની સમસ્યાથી બોડેલીની પ્રજા સહિત સમગ્ર છોટાઉદેપુર જિલ્લાના લોકો હાલાકી વેઠી રહ્યા છે.
ગુજરાતના મુખ્યમંત્રી વિજય રૂપાણીની જાહેરાત પોકળ સાબિત થઈ