ફતેપુરા, (દાહોદ ) આઝાદ મન્સુરી :-
Kalam Ki Sarkar News / Lunawada: મહીસાગર જિલ્લાના લુણાવાડા ખાતે 17 સપ્ટેમ્બર, 2026ના રોજ ગુજરાતમાં ઇન્ટરનેશનલ હ્યુમન રાઇટ્સ ફાઉન્ડેશન દ્વારા શપથ ગ્રહણ સમારોહનું સફળતાપૂર્વક આયોજન કરવામાં આવ્યું હતું. આ પ્રસંગે ગુજરાત પ્રદેશ સમિતિના કાર્ડ અને પ્રમાણપત્રોનું વિતરણ કરવામાં આવ્યું હતું.
કાર્યક્રમમાં ઇન્ટરનેશનલ હ્યુમન રાઇટ્સ ફાઉન્ડેશનના રાષ્ટ્રીય સંયોજક મનોજ થાનવર, મધ્યપ્રદેશના સેક્રેટરી પ્રવીણ તંબોલી, ઇન્દોર જિલ્લા સલાહકાર મહેશ વર્મા, સભ્ય કમલ ભાલસે સહિતના અગ્રણીઓ ઉપસ્થિત રહ્યા હતા. મહિલા અગ્રણીઓમાં સંગીતાબેન, રેખાબેન, હિનાબેન અને શીતલબેન સહિતના આગેવાનો પણ ઉપસ્થિત રહ્યા હતા.
આ ઉપરાંત ગુજરાત પ્રદેશ પ્રમુખ ઝાકીર પીરજાદા, રાજેશકુમાર ભાટિયા સાહેબ, આઝાદ મન્સુરી, નવાબભાઈ, ગણેશ પરમાર, મહેશ બાબુ, મહેશ ગોધા બરોડા, ટાઈમ્સ ઓફ મહીસાગરના તંત્રી મહેશ ઠાકોર, રામાભાઈ ખાંટ સહિત માનવ અધિકાર ક્ષેત્ર સાથે જોડાયેલા પ્રતિષ્ઠિત નાગરિકો ઉપસ્થિત રહ્યા હતા.
માનવ અધિકારો અંગે માર્ગદર્શન
ઇન્ટરનેશનલ હ્યુમન રાઇટ્સ ફાઉન્ડેશનના ઇન્દોર જિલ્લા સલાહકાર મહેશ વર્મા સાહેબે જણાવ્યું હતું કે તેમનું સંગઠન માનવતા, રાષ્ટ્રીય અત્યાચારો અને માનવતા પર થતા અત્યાચારો સામે અવાજ ઉઠાવશે.
ફાઉન્ડેશનના એમ.પી. કોઓર્ડિનેટર મનોજ થાનવર સાહેબે સંગઠનના નિયમો અને માનવ અધિકારો અંગે વિસ્તૃત માહિતી આપી હતી. તેમના માર્ગદર્શનને સાંભળવા પત્રકારો, શિક્ષણ વિભાગના અનેક શિક્ષકો તેમજ અન્ય વિભાગોના અધિકારીઓ અને કર્મચારીઓ પણ ઉપસ્થિત રહ્યા હતા.
આ દરમિયાન કેટલાક ઉપસ્થિત લોકોએ પોતાની સમસ્યાઓ અંગે રજૂઆત કરી હતી, જેના ઉકેલ માટે મનોજ થાનવર સાહેબે ખાતરી આપી હતી.
