ગોધરા, (પંચમહાલ) નવાઝ શેખ :-
ગોધરા : ગોધરા નગરમાં આવનાર વિવિધ ધાર્મિક તહેવારોને ધ્યાનમાં રાખીને પોલીસ પ્રશાસન દ્વારા શહેરમાં ફ્લેગમાર્ચ યોજવામાં આવ્યો હતો. શહેરમાં શાંતિ, સલામતી અને કાયદો-વ્યવસ્થા જળવાઈ રહે તે માટે પોલીસ દ્વારા વિવિધ વિસ્તારોમાં ફ્લેગમાર્ચ યોજી નાગરિકોમાં સુરક્ષાની લાગણી મજબૂત કરવાનો પ્રયાસ કરવામાં આવ્યો હતો.
મળતી વિગતો મુજબ, આવનાર ધાર્મિક તહેવારોને લઈને ગોધરા શહેરમાં પોલીસ પ્રશાસન દ્વારા વિશાળ ફ્લેગમાર્ચ યોજવામાં આવ્યો હતો. ફ્લેગમાર્ચ દરમિયાન ઉચ્ચ પોલીસ અધિકારીઓ તથા પોલીસ કર્મચારીઓએ શિસ્તબદ્ધ રીતે શહેરના વિવિધ સંવેદનશીલ તેમજ મુખ્ય વિસ્તારોમાં પેટ્રોલિંગ કર્યું હતું.
પોલીસના જવાનો સંપૂર્ણ શિસ્ત અને અનુશાસન સાથે કાફલામાં આગળ વધતા જોવા મળ્યા હતા. ફ્લેગમાર્ચનો મુખ્ય ઉદ્દેશ્ય તહેવારો દરમિયાન શહેરમાં કાયદો અને વ્યવસ્થા જળવાઈ રહે, નાગરિકોમાં સુરક્ષાની ભાવના વધુ મજબૂત બને અને કોઈપણ અનિચ્છનીય પરિસ્થિતિને પહોંચી વળવા પોલીસ તંત્ર સજ્જ હોવાનું દર્શાવવાનો હતો.
ફ્લેગમાર્ચ દરમિયાન પોલીસની શિસ્તબદ્ધ કામગીરી અને સજ્જતા જોઈ માર્ગો પર ઉભેલા નગરજનોએ પોલીસ પ્રશાસનની કામગીરીની સરાજાહેર પ્રશંસા કરી હતી. પોલીસનો કાફલો પસાર થતો જોઈ નાગરિકોમાં પણ સુરક્ષાની લાગણી જોવા મળી હતી.
ગોધરા શહેરમાં વિવિધ ધાર્મિક તહેવારો દરમિયાન મોટી સંખ્યામાં લોકો પોતાના ધાર્મિક કાર્યક્રમોમાં જોડાતા હોય છે. આવા સમયે શહેરમાં શાંતિપૂર્ણ વાતાવરણ જળવાઈ રહે અને તમામ સમાજના લોકો ભાઈચારા તથા સૌહાર્દપૂર્ણ માહોલમાં તહેવારોની ઉજવણી કરી શકે તે માટે પોલીસ તંત્ર દ્વારા આગોતરી તૈયારીઓ કરવામાં આવી રહી છે.
પોલીસ પ્રશાસન દ્વારા ફ્લેગમાર્ચ ઉપરાંત શહેરના વિવિધ વિસ્તારોમાં સતત પેટ્રોલિંગ અને કાયદો-વ્યવસ્થાની સ્થિતિ પર નજર રાખવામાં આવી રહી હોવાનું જાણવા મળે છે. સંવેદનશીલ વિસ્તારોમાં પણ પોલીસની હાજરી વધારવામાં આવી રહી છે, જેથી કોઈપણ પ્રકારની અફવા, ગેરસમજ કે અનિચ્છનીય બનાવને સમયસર અટકાવી શકાય.
પોલીસના આ ફ્લેગમાર્ચને લઈને નગરજનોમાં પણ સકારાત્મક પ્રતિસાદ જોવા મળ્યો હતો. શિસ્તબદ્ધ પોલીસ કાફલો અને સુરક્ષા વ્યવસ્થાની સજ્જતા જોઈ નગરજનોએ પોલીસ પ્રશાસનના પ્રયાસોને આવકાર્યા હતા.
આગામી ધાર્મિક તહેવારો દરમિયાન ગોધરા શહેરમાં શાંતિ, સલામતી અને કોમી સૌહાર્દનું વાતાવરણ જળવાઈ રહે તે માટે પોલીસ પ્રશાસન દ્વારા નાગરિકોને પણ કાયદો અને વ્યવસ્થા જાળવવામાં સહકાર આપવા અપીલ કરવામાં આવી છે. તહેવારો શાંતિપૂર્ણ અને હર્ષોલ્લાસભર્યા માહોલમાં સંપન્ન થાય તે માટે પોલીસ તંત્ર સંપૂર્ણપણે સજ્જ હોવાનું ફ્લેગમાર્ચ દ્વારા સ્પષ્ટ થયું છે.
