મોરવા(હ) (પંચમહાલ) ઈશહાક રાંટા :-
પંચમહાલ ગોધરા રેન્જ નાયબ પોલીસ મહાનિરીક્ષક શ્રી એમ.એસ. ભરાડા સાહેબશ્રી નાઓના માર્ગદર્શન મુજબ પોલીસ અધિક્ષક શ્રી હિમાંશુ સોલંકી સાહેબ નાઓએ આપેલ માર્ગદર્શન અને સુચના મુજબ પોલીસ ઇન્સ્પેકટર શ્રી જે.એન.પરમાર એલ.સી.બી. ગોધરા નાઓએ નાસતા ફરતા વોન્ટેડ આરોપીઓની ધરપકડ કરવા માટે ખાનગી બાતમીદારો રોકી જરૂરી કાર્યવાહી કરતા પોલીસ ઇન્સ્પેક્ટર શ્રી જે.એન.પરમાર એલ.સી.બી. ગોધરા નાઓને ખાનગી બાતમીદાર દ્વારા ચોક્કસ બાતમી મળેલી કે , મોરવા પો.સ્ટે.ફ.ગુ.ર.નં. ૩૦/૨૦૦૨ ઇ.પી.કો. કલમ ૩૯૫,૩૯૭ મુજબ ના ગુનાના કામે નાસતો ફરતો વોન્ટેડ આરોપી ગલીયા કાલીયાભાઇ ચારેલ રહે . છાયણ મધ્યપ્રદેશ નાનો હાલમાં સંતરોડ બ્રીજ નજીક ઉભેલ છે તેવી મળેલ ચોક્કસ બાતમી આધારે એલ.સી.બી. ના પો.સ.ઇ. શ્રી આઇ.એ.સિસોદીયા તથા એલ.સી.બી. સ્ટાફના માણસો સંતરોડ વિસ્તારમાં પેટ્રોલીંગમાં હોય તેઓને બાતમી હકીકતથી વાફેક કરી કાયદેસરની કાર્યવાહી કરવા સુચના કરતા તેઓએ બાતમીવાળી જગ્યાએ જઇ તપાસ કરી સદરી આરોપીને શોધી કાઢી હસ્તગત કરી આગળની કાર્યવાહી કરવા સારૂ મોરવા પોલીસ સ્ટેશન ખાતે સોપવમાં આવેલ છે .