રાજપીપલા,(નર્મદા)
આશિક પઠાણ
સુરત બંદોબસ્તમાથી આવેલા બે SRP જવાનો કોરોના પોઝિટિવ નીકળતા સમગ્ર ગ્રુપમા ચિંતા
નર્મદા જિલ્લામા કોરોના પોઝિટિવ કેસોની સંખ્યા 34 પર પહોંચી
SRP ગ્રુપના વિસ્તારને કન્ટેન્ટમેન્ટ ઝોન જાહેર કરાયા, પ્રતિબંધાત્મક આદેશો નર્મદા કલેક્ટરે જાહેર કર્યા
સુરત ખાતે પોતાની ફરજ બજાવવા ગયેલા વિશ્વની સૌથી ઊંચી સરદાર વલ્લભભાઈ પટેલની સ્ટેચ્યુ ઓફ યુનિટી પ્રતિમાના હેડકવાર્ટર ગણાતા કેવડીયા કોલોનીના SRP ગ્રુપમા ફરજ બજાવતા જવાનો એક પછી એક કોરોના પોઝિટિવ નીકળતા તંત્રમા ભારે દોડધામ મચી જવા પામી છે. ગતરોજ SRP નો એક જવાન કોરોના પોઝિટિવ આવ્યા બાદ આજે બીજા જવાનનો રિપોર્ટ પણ પોઝિટિવ આવતા SRP કંપનીમા ફફડાટ ફેલાયો છે.
મળતી માહિતી અનુસાર કેવડીયા કોલોની ખાતેની SRP ગ્રુપમા ફરજ બજાવતો દિનેશ એન.બારીયા ગઇકાલે પોઝિટિવ જાહેર કરાયો હતો, ત્યાર બાદ ગતરોજ આરોગ્ય વિભાગ દ્વારા 42 સેમ્પલ ટેસ્ટીંગ માટે લેવાયાો હતા જેના રિપોર્ટ આજરોજ આવતા સુરત ખાતે એકસાથે ફરજ બજાવવાા ગયેલા SRP જવાનો પૈકીનો રમણલાલ બી. વાલાનો કોરોના રિપોર્ટ પોઝિટિવ આવતા રાજપીપળા ખાતેના કોવિડ હોસ્પિટલમાં સારવાર માટે દાખલ કરવામાં આવ્યો છે.
SRP ગ્રુપ કેવડીયા કોલોનીના જવાનોને ફરજ બજાવવા માટે સરકાર દ્વારા સુરત ખાતે મોકલવામા આવેલ જયા બંદોબસ્તની ફરજ બજાવી આ જવાનો 7 મી જુને સુરત ખાતેથી કેવડીયા કોલોની પરત ફર્યા હતા. ગતરોજ એક જવાન કોરોના પોઝિટિવ નીકળતા અને ફરી પાછા આજ રોજ પણ બીજા જવાનનો રિપોર્ટ પણ પોઝિટિવ આવતા SRP કેમ્પ સહિત તંત્રમા ભારે દોડધામ મચી હતી. એકસાથે જ જવાનો ફરજ બજાવતા હોય સાથે જ રહેતા હોય શુ અન્ય જવાનો પણ કોરોનાની ઝપેટમાં આવ્યા હસેની ચિંતા જોવા મળી રહી છે.
આ કેસ સાથે જીલ્લામા કોરોના પોઝિટિવના દર્દીઑની સંખ્યા 34 ઉપર પહોંચી છે જે પૈકી 11 દર્દીઓ સારવાર મેળવી રહ્યા છે, જયારે 23 દર્દી સાજા થઈ પોતાના ઘરે પહોંચ્યા છે. નર્મદા જિલ્લા કલેક્ટરે SRP ગ્રુપના કેટલાક વિસ્તારોમાં કન્ટેન્ટમેન્ટ ઝોન જાહેર કરેલ છે અને કેટલાક પ્રતિબંધો લગાવ્યા હોવાનું જાણવા મળ્યું છે.
